Unforgetable experience Unforgetable experience Unforgetable experience

OUTDOOR & NAUTICA EXPO 2023

21-23 Април 2023 година во камп СКАУТ во Струга

21-23 Април 2023 година во камп СКАУТ во Струга

Ве покануваме да земете учество и да ги презентирате вашите производи и услуги на OUTDOOR & NAUTICA EXPO 2023, кој ќе се одржи од 21-23 Април 2023 година во камп СКАУТ во Струга (www.camp.mk).

Во последните три години луѓето како никогаш досега, својот одмор или викенди ги помина настрана од сите гужви, дружејќи се во помали групи и практикувајќи авантури на отворено. Outdoor активностите и авантуристичкиот туризам привлекоа огромен број на посетители во камповите, на велосипедските тури, планинарските авантури, кајакарење, нуркање…. Зголемениот број на љубители на outdoor активностите ги поттикна луѓето да започнат нови бизниси поврзани со опрема, услуги или туристички активности кои се случуваат на отворено. На тој начин во последните 3 години луѓето отворија преноќишта во селата и на планините, организираа планинарски тури, изнајмуваа АТВ мотори и електрични велосипеди, водеа групи на кајак тури или едрење.

Со цел да ги доближиме луѓето до активностите на отворено и правилно да ги едуцираме, се одлучивме да го организираме OUTDOOR & NAUTICA EXPO 2023 од 21-23 Април 2023 година во камп СКАУТ во Струга(www.camp.mk) .

Целта на овој настан е да се презентираат сите компании и индивидуи кои нудат опрема или услуги од областа на outdoor активностите, да слушнеме едукативни презентации и да направиме вмрежување на повеќе субјекти од outdoor индустријата.

На  OUTDOOR & NAUTICA EXPO 2023 се очекува да учествуваа компании и индивидуи кои ќе ги презентираат своите производи пред посетителите како што се: опрема за кампување и логорување, професионална и рекреативна планинарска опрема, сместување во кампови, селски и планинарски куќи, продажба и изнајмување на (електрични) велосипеди, АТВ, УТВ, планинарски тури и јавање коњи, нуркање и нуркачка опрема, кајаци и веслање, наутика, чамци и други интересни производи и услуги.

Сметаме дека вашата дејност е директно поврзана со outdoor активностите во Македонија, и со таа цел Ве покануваме да земете учество и да ги презентирате вашите производи и услуги на OUTDOOR & NAUTICA EXPO 2023.

 

Можности за изложувачите…

  1. Промоција на сите компании кои работат во делот на outdoor опрема и услуги, кампување, водни спортови и наутика.
  2. Презентација и промоција на нови услуги и производи
  3. Директен контакт со потенцијални купувачи
  4. Можност за business to business контакти и состаноци
  5. Директна продажба
  6. Неформално дружење и забава
  7. Можности за заеднички активности и деловна соработка

Програма…

21.04.2023 Поставување на штандови и забава за загревање

22.04.2023 Забава со бенд и логорски оган

23.04.2023 Лотарија за посетители – подароци од учесници во максимална вредност од 3000 мкд (пр.маици, предмети, торби, шишиња, марами и други производи)

 

Како да се пријавам?

Избери го посакуваниот пакет, пополни ги сите потребни информации и системот ќе те води низ процесот на резервација и наплата.

Доколку имате некаков проблем при регистрација, контактирајте нѐ преку контакт формата на нашата веб страна или или директно на официјалниот контакт емаил hi@camp.mk

Местата се ограничени

Изберете го пакетот кој најмногу ви одговара:

Your cart is currently empty.

Return to shop

  1. Основни Правила за престој во Камп СКАУТ – Струга
    1. Во периодот од мај до септември, рецепцијата е отворена секој ден од 08:00 до 22:00 часот, и влез на возила во кампот е дозволен само во тој период. Во периодот од 22:00 до 8:00 часот во кампот е присутен ноќен чувар кој се грижи за безбедноста на гостите. Дополнително, кампот има склучен договор со агенција за обезбедување која дополнително го гарантира мирот на гостите.
    2. Резервација во кампот се прави преку електронска пошта на hi@camp.mk, со испраќање на точни податоци за видот на сместување и должината на престојот, за што ќе добиете подтврдна електронска пошта со податоци за плаќање за резервација. Резервацијата се потврдува со плаќање на најмалку 1 ден од вашиот аранжман.
    3. Плаќањето за престој во кампот, доколку не е претходно направено, се врши во целосен износ при самото пријавување за престој. Во кампот е можно да се плати во готово – исклучиво во денари, или со било која платежна картичка. Доколку плаќате со Динерс Клуб картичка, плаќањето може да се изврши на 12 еднакви рати без камата, а доколку плаќате со Американ Експрес картичкана, инфорирајте се во вашата банка за определниот поврат на пари кој ќе го добиете од банката за секое плаќање во кампот.
    4. Прием на гости се врши најрано од 13:00 часот, а одјавувањето е најдоцна до 10:00 часот. Доколку посетителот има потреба за подоцнежно одјавување (дополнителни 2-4 часа), треба претходно да ги извести рецепционерите и во зависност од исполнетоста на капацитетот истото може да биде бесплатно или за таа услуга да се плати одреден надоместок, не поголем од половина од цената за еднодневен престој.
    5. Секоја изнајмена опрема или предмети од кампот подлежат на депозит за обезбедување, кој се враќа при одјавување на посетителот. Како форма на депозит може да се користи кредитна картичка или готовина. Ако изнајмените опрема или предмети не се вратат или се оштетени, тогаш нивната вредност се наплаќа од посетителот пред неговото заминување. Доколку посетителот замине без да ги намири сите обврски, истите ќе бидат подмирени од оставениот депозит или кредитна картичка.
    6. Сите патеки во кампот мора да бидат слободни и проодни. Строго е забрането движење на возила во кампот надвор од обележаните патеки за возила. Максималната дозволена брзина на возење во кампот е 5 km/h. Паркирањето на возилата е дозволено само на предвидениот простор за паркинг. Во исклучителни ситуации, доколку постои сериозна причина, може да се паркира надвор од обележаниот паркинг со претходно одобрување од рецепционерот во кампот. Секоја штета или сообраќајна несреќа во рамки на кампот се смета за одговорност на странката што ја предизвикала несреќата и ќе биде покрената правна постапка.
    7. Мотоциклите треба да се паркираат на соодветен начин во рамки на предвидениот паркинг простор, при што треба да се обезбеди нивната стабилност, односно да се избегне нивно паѓање и предизвикување евентуална штета на други возила во близина.
    8. Возилата кај кои има протекување на одредени течности (на пр. масло), ќе бидат отстранети од кампот.
    9. Празнењето на хемиските тоалети од камп-приколките е дозволено само на определено место за таа намена. Ве молиме, известете го рецепционерот кога имате потреба да ги испразните резервоарите од хемиските тоалети.
    10. Локацијата за сместување со шатор или приколка се определува при самото пријавување во кампот. Промената на локацијата е можна доколку постои слободен капацитет, но за тоа претходно е потребно да добиете одобрување од рецепционерот. Кампот го задржува правото да ја промени локацијата за сместување на посетителот, доколку е тоа неопходно.
    11. Палењето оган во кампот е строго забрането, освен на местата предвидени за тоа. Претходно треба да се најавите доколку сакате да користите огниште. Услугата не се наплаќа, меѓутоа доколку постои оправдана причина (силен ветер или било какво загрозување на безбедноста на другите кампери) рецепционерот има права да не ја дозволи таа услуга.
    12. Доколку сакате да направите скара, тоа може да го правите само на простор конкретно наменет за таа намена.
    13. Кампот располага со посебна целосно опремена кујна со заеднички фрижидери која е на располагање на гостите. Гостите се должни да ја одржуваат уредна и пред заминување од кампот да ги испразнат фрижидерите за да се обезбеди простор за останатите гости.
    14. Децата под 14 години може да ги користат различните услуги во кампот со надзор на нивните родители. Децата може да возат велосипеди и тротинети во рамки на кампот, при што целосната одговорност за нивната безбедност е на нивните родители/старатели.
    15. Домашните миленици се добредојдени во кампот за што се наплаќа симболична сума. Гостите што престојуваат со свој шатор или камп-приколка имаат можност да го поведат со себе и своето милениче. Доколку престојувате во објект во сопственост на кампот треба претходно да најавите дека доаѓате со миленик, за кампот да ви обезбеди соодветно сместување. При самото пријавување за престој, сопственикот треба да приложи документ дека миленикот е здав и ги има соодветните здравствени прегледи и вакцини и дека не е опасен по другите гости и миленици во кампот. Сопственикот е должен миленкиот да го води на поводник за цело време, или да обезбеди соодветен кафез. Сопствениците на миленичиња треба да ги изнесуваат животните кога треба да ги извршуваат физиолошките потреби, без да ги вознемируваат другите посетители, на локација обележана за таа намена. Користењето на тоалетите и туш-кабините за домашни миленици е забрането.
    16. Време за одмор во кампот е од 14.00 до 16.00 часот, како и од 22.00 до 07.00 часот.
    17. Снабдувањето со електрична енергија е исклучиво за осветлување, радио, ТВ, полнење на преносни уреди и фрижидер. Воспоставената мрежа на електрична енергија низ кампот не е намеета за готвење и греење и може да резултира со прекин на снабдувањето со електрична енергија.
    18. Кампот е покриен со WI-FI сигнал. Податоци за бесплатен пристап на мрежата ќе добиете при пријавувањето во кампот. Бесплатниот пристап овозможува проверка на вашиот е-меил, примање/праќање текстуални пораки преку апликации и посета на веб-страници. Доколку имате потреба од интернет конекција која овозможува поголем трансфер на податоци (YouTube, Netflix и сл., праќање/примање на поголеми фајлови), обратете се до рецепционерот за да добиете лозинка за целосен широкопјасен интернет пристап, при што за таа услуга се плаќа дополнителен надомест.
    19. Кампот располага со систем за греење вода кој обезбредува 24 часа во денот топла вода наменета за гостите. Сепак ние се грижиме за животната средина и ве замолуваме водата, сите заедно да ја користиме совесно.
    20. Кампот располага со сопствена служба за одржување на хигиена, меѓутоа хигиената во голема мера зависи и од самите кампери. Ве молиме сите заедно да се грижиме за хигиената: отпадот да го одлагаме на посебно означени места и да се грижиме заедничките простории во кампот да ги оставаме чисти и во најдобар можен ред. На местото за одложување на отпад ќе најдете посебни канти за стакло, пластика и алуминиум. Останатиот отпад не се сортира.
    21. Не е дозволено миење на вашиот караван/приколка, шатор или автомобил во кампот. За тоа постои посебен простор и потребно е да се консултирате со рецепционерот.
    22. Кампот не е одговорен за евентуални штети и загуби предизвикани од кражба, природна непогода или виша сила.
    23. Влезот и престојот во кампот подразбира почитување на наведените правила.
    download PDF: 2021 Правилник за престој во Камп СКАУТ

    Ви благодариме што се грижите за нашиот камп и ја почитувајте приватноста и правата на сите наши гости 😊

    Ви посакуваме пријатен престој во Кампот Скаут во Струга

tell me more

Enter your details below and learn about all the adventures we have.



    Or call us for more info: